ઝઘડિયાના લીમોદરા ગામ ખાતે શરીર પર પેટ્રોલ છાંટી યુવકનો આપઘાત.

ભરૂચ જિલ્લાના ઝઘડિયા તાલુકામાં આવેલ લીમોદરા ગામ ખાતે યુવાને અગમ્ય કારણોસર શરીરે પેટ્રોલ નાખી સળગી આપઘાત પ્રયાસ કર્યો હતો. ભરૂચ જિલ્લાના ઝઘડિયા તાલુકામાં લીમોદરા ગામ ખાતે રહેતો અરવિંદ ભાઈ વસાવાએ શરીર ઉપર આજે પેટ્રોલ છાંટી શરીરને સળગાવી દઈ આપઘાત કરવાનો પ્રયાસ કર્યો હતો આજુબાજુના લોકોએ અરવિંદ વસાવાને સળગતો જોતા જ દોડી આવ્યા હતા જોકે તે શરીરે ગંભીર રીતે દાઝી જતાં તેને તાત્કાલિક સારવાર અર્થે ૧૦૮ મારફતે ભરૂચ સિવિલ હોસ્પિટલમાં સારવાર માટે ખસેડવામાં આવ્યો હતો જ્યાં તેનું સારવાર દરમિયાન મોત નીપજ્યું હતું.