ભરૂચ જિલ્લાના ઝઘડીયા ખાતે પ્રાથમિક આરોગ્ય કેન્દ્ર ખાતે આજરોજ કોરોના રસીકરણનો મેગા કેમ્પ યોજાયો હતો. કોરોના વેક્સિનના મહા અભિયાન અંતર્ગત ઝઘડિયા પ્રાથમિક આરોગ્ય કેન્દ્ર ખાતે ઝઘડિયાના પાંચ બુથ પર રસીકરણનો મેગા કેમ્પ રાખવામાં આવેલ હતો.
મળતી વિગતો મુજબ આ મેગા કેમ્પ અંતર્ગત ત્રણ વાગ્યા સુધીમાં આ પાંચ બુથો પર ૯૯૫ જેટલા લાભાર્થીઓએ રસીકરણનો લાભ લીધો હતો. સેવાભાવી સંસ્થા દ્વારા આ રસી મુકાવનારને એક લીટર ખાદ્યતેલ આપવામાં આવેલ હતું. કાર્યક્રમને સફળ બનાવવા માટે રિક્ષા દ્વારા પ્રચાર ઝુંબેશ કરવામાં આવી હતી. મેગા કેમ્પને સફળ બનાવવા માટે મેડિકલ ઓફિસર ડો. જીગ્નેશ તથા સુપરવાઇઝર જીતેન્દ્રસિંહ બોડાણા અને આરોગ્ય કર્મીઓ દ્વારા જહેમત ઉઠાવીને કાર્યક્રમને સફળ બનાવવામાં આવ્યો હતો.
ગુલામહુશેન ખત્રી રાજપારડી જિ.ભરૂચ
Advertisement
