ભરૂચ જિલ્લાના ઝઘડીયા તાલુકામાં રહેતી એક અન્ય જિલ્લાની સગીર વયની યુવતીને હાલ ઝઘડીયા ખાતે રહેતો એક પરપ્રાંતિય યુવક લગ્નની લાલચ આપી ભગાડી ગયો હોવાની ઘટના બનવા પામી છે.
મળતી વિગતો મુજબ અન્ય જિલ્લાની રહીશ આ ૧૫ વર્ષીય સગીરા હાલ ઝઘડીયા તાલુકામાં તેના પિતા સાથે રહેણાંક પડાવમાં રહે છે. હાલ ઝઘડીયા તાલુકામાં રહેતો અજય બધીયાભાઇ સંગાડીયા નામનો યુવક આ સગીરાને પટાવી ફોસલાવીને લગ્નની લાલચ આપી ગત તા. ૧ લી ના રોજ ભગાડી ગયો હતો. ત્યારબાદ સગીરાના પરિવારે ગુમ થયેલ પુત્રીની શોધખોળ કરવા છતા તે મળી નહતી. બાદમાં આ યુવક પોતાની પુત્રીને ભગાડી ગયો હોવાની જાણ થતાં સગીરાના પિતાએ પુત્રીને ભગાડી જનાર યુવકના પિતાને આ બાબતે પુછતા તેણે કહેલ કે તારી દિકરી તને નહી મળે, તારાથી થાય તે કરી લેજે. અને માબેન સમાણી ગાળો બોલ્યા હતા. આ ઘટના સંદર્ભે સગીરાના પિતાએ અજય બધીયાભાઇ સંગાડીયા અને બધીયાભાઇ ધનાભાઇ સંગાડીયા બન્ને મુળ રહે.મધ્યપ્રદેશના વિરુધ્ધ પોલીસ ફરિયાદ લખાવી હતી.
ગુલામહુશેન ખત્રી રાજપારડી જિ.ભરૂચ
