ભરુચ જિલ્લાના ઝઘડીયા તાલુકાના ફુલવાડી અને દધેડા ગામે મફત આંખ નિદાન કેમ્પનું આયોજન કરવામાં આવ્યુ હતું. ઝઘડીયા જીઆઇડીસી માં આવેલ યુપીએલ કંપની દ્વારા સેવા રૂરલ હોસ્પિટલ ઝઘડિયાના સહયોગથી આ કેમ્પનું આયોજન કરવામાં આવ્યું હતું.
આ કેમ્પમાં ફૂલવાડી, કપલસાડી, બોરીદ્રા, દધેડા, સરદારપુરા, ઉટીયા, ખરચી, વિ.ગામોના ગ્રામજનોએ મોટી સંખ્યામાં તેનો લાભ લીધો હતો. આંખ નિદાન કેમ્પમાં કુલ ૪૮૮ દર્દીઓને તપાસવામાં આવ્યા હતા. કેમ્પમાં ૩૯૪ દર્દીઓને મફત ચશ્મા આપવામાં આવ્યા હતા, તથા ૭૫ થી વધુ દર્દીઓને સર્જરી કરવાની જરૂર હતી, જેમાં મોતિયા અને ઝામરના દર્દીઓ હતા. મોતિયા અને ઝામરના કેસોની સારવાર ઝઘડિયા સેવારુરલ ખાતે કરવામાં આવશે અને તેનો તમામ ખર્ચ યુપીએલ કંપની ઝઘડિયા દ્વારા ચૂકવવામાં આવશે.
ગુલામહુશેન ખત્રી રાજપારડી જિ.ભરુચ
Advertisement
