વડોદરાના પાદરા તાલુકાના મોટી ભાગોળ વિસ્તારમાં રહેતાં રજાક રહેમાન ઘાંચી ડ્રાઈવિંગ કરી પરિવારનું ગુજરાન ચલાવતો હતો. તેઓ તેમના પરિવાર તેમજ સગાઓ સાપુતારા ફરવા માટે નિકળ્યોૉ હતો. સાપુતારા ફરીને તેઓ તેમની મીનિબસ લઈને પરત ઘરે જવા માટે નિકળ્યા હતાં. દરમિયાનમાં તેઓ મુંબઈ દિલ્હી એક્સપ્રેસ વે પરથી પસાર થઈ રહ્યાં હતાં. તે વેળાં કારેલા ગામ પાસે આવતાં તેમની મિની બસના પાછળના ખાલી સાઈડના બન્ને ટાયર ફાટી જતાં તેમણે તેમની મિની બસ રોડની સાઈડમાં બનાવેલાં ઈમરજન્સી લેનમાં પાર્ક કરી હતી.
જે બાદ તેમાં બેસેલાં તેમના તમામ સગાસંબંધીઓને તેમણે નીચે ઉતારી બસની આગળ ઉભા કરી દીધાં હતાં. બીજી તરફ બસની પાર્કિંગ લાઈટ ચાલુ રાખી પાછળની તરફ આડશો મુકી તેઓ તેમની બસના ટાયર ખોલી રહયાં હતાં. અરસામાં એક આઈશર ટેમ્પોના ચાલકે પુરઝડપે ધસી આવી તેમની ઉભેલી મિની બસમાં ધડાકાભેર અકસ્માત કરતાં તેમની બસ આગળ ધકેલાઈ ગઈ હતી. જેના કારણે બસની આગળન ઉભેલાં તેમના કાકા સુલેમાન મુસા ઘાંચી તેમજ ભાણા સમીર નજીર ઘાંચીને ગંભીર ઈજાઓ થઈ હતી. ઈજામસ્તોને તાત્કાલિક સારવાર માટે કરજણની હોસ્પિટલમાં ખસેડાયાં હતાં. જયાં તેમના ભાણાનું ગંભીર ઈજાઓને કારણે સ્થળ પર જ મોત નીપજયું હતું.
