વંદે ભારત એક્સપ્રેસ વાપીથી પસાર થતી વેળા 1 ઇસમ ટ્રેન સામે કૂદી પડયો.

ગાંધીનગરથી વડાપ્રધાન નરેન્દ્ર મોદીએ 30 સપ્ટેમ્બરે ગાંધીનગર કેપિટલ-મુંબઇ સેન્ટ્રલ વંદે ભારત એક્સપ્રેસ ટ્રેનને લીલી ઝંડી બતાવી રવાના કરી હતી. જે અમદાવાદ, વડોદરા અને સુરત સ્ટોપેજ બાદ સીધી મુંબઇ સેન્ટ્રલમાં ઉભી રહેશે. શુક્રવારે જ્યારે આ ટ્રેન વાપી રેલવે સ્ટેશનના પ્લેટફોર્મ નંબર-2 થી પસાર થવા જઇ રહી હતી તે સમયે પ્લેટફોર્મ નં.1 થી એક કાળા ટી-શર્ટ અને કાળા પેન્ટ પહેરેલો ઇસમ અચાનક પ્લેટફોર્મથી નીચે કૂદીને 2 નંબરના પાટા ઉપર આવી ગયો હતો. જેને જોઇ ટ્રેનના પાયલોટે હોર્ન વગાડતા ઇસમ પ્લેટફોર્મ નં.2 ઉપર ચઢ્યા બાદ ત્યાંથી ફરાર થઇ ગયો હતો.