(વિશાલ મિસ્ત્રી રાજપીપળા)
રવીના વસાવાના એક વર્ષ અગાઉ જીતેન્દ્ર સાથે લગ્ન થયા હતા બાદ જીતેન્દ્ર એને માનસિક ત્રાસ આપતો હતો,વારંવારના ત્રાસથી કંટાળી રવીનાએ સોમવારે ગામની સીમમાં ફાંસો ખાઈ લીધો.
નાંદોદ તાલુકાના બીતાળા ગામે હાલમાં જ પ્રેમલગ્ન મુદ્દે યુવાનના માતા-પિતાને યુવતીના પિતાએ ઢોર માર માર્યો હતો.બાદ યુવતીની માતાને તો ઢોરની જેમ ખૂંટે બાંધી રાખી હતી.મહિલા અત્યાચારની આ શરમજનક ઘટના બાદ નર્મદા જિલ્લાના ડેડીયાપડામાં પતિના ત્રાસથી કંટાળી પત્નીએ ગળે ફાંસો ખાધો હોવાનો બીજો મહિલા અત્યાચારનો કિસ્સો પ્રકાશમાં આવ્યો છે.જોકે આ મામલે ડેડીયાપડા પોલિસે પતિ વિરુદ્ધ પત્નીને ત્રાસ આપી આપઘાત કરવા મજબૂર કરવાનો ગુનો નોંધી પતિને પકડવાના ચક્રો ગતિમાન કર્યા છે.
આ મામલે મળતી માહિતી મુજબ ડેડીયાપાડા તાલુકાના બુરી ગામે રહેતી રવિનાબેન વસાવાના લગ્ન એક વર્ષ પેહલા ગામના જ જીતેન્દ્ર રૂપસિંગ વસાવા સાથે થયા હતા.બાદ એક જ મહિનામાં જીતેન્દ્ર તેને માનસિક શારીરિક ત્રાસ આપતો હતો અને 19-2-18 ના રોજ સવારે 9 વાગે પણ આ ઝગડો અને ત્રાસનો સિલસિલો યથાવત હતો.જેમાં ઢોર ચારવા બાબતે બન્ને વચ્ચે ઝગડો થતા જીતેન્દ્રએ રવીનાને માર માર્યો હતો.વારંવારના ઝગડા અને માનસિક શારીરિક ત્રાસથી કંટાળીને રવીનાએ તેજ સમયે બુરી ગામની સિમમાં જઈ ગળે ફાસો ખાઈ લીધો હતો.આ ઘટનાની વાતો ગામમાં વાયુવેગે ફેલાતા ચકચાર મચી હતી.ત્યારે ઘટનાની જાણ થતાં જ પોલીસે ત્યાં આવી બાજી સાંભળી હતી અને ગુરુજી ગોમાં વસાવાની ફરિયાદના આધારે પતિ જીતેન્દ્ર વિરુદ્ધ રવીનાને ત્રાસ આપી આપઘાત કરવા મજબુર કરી હોવાનો ગુનો નોંધી તેને પકડવા ચક્રો ગતિમાન કર્યા છે.આ કેશની તપાસ ડેડીયાપાડા પી.એસ.આઇ. વી.એસ.ગઢવી કરી રહ્યા છે.
