વાલિયાના કોંઢ ગામ પાસે ચાલકે નાળાની દિવાલ પરથી કાર કુદાવી

અંકલેશ્વર વાલિયા વચ્ચે ગત રાત્રી ના વિચિત્ર અકસ્માત સર્જાયો હતો. એક કાર ચાલક વાલીયા થી અંકલેશ્વર તરફ આવી રહ્યો હતો. તે દરમિયાન કોંઢ ગામ ને ગુજરાત ગાર્ડિયન કંપની વચ્ચે માર્ગ પર આવેલ નાના પુલિયા પાસે પુરપાટ કાર નાના પુલ ની દીવાલ પર ચઢાવી દીધી હતી. કાર ની સ્પીડ એટલી હતી કે રોડ સાઈડ પર બે ફૂટ ઉંચે ની દીવાલ પર કાર એક તરફ નો ભાગ ચઢી ગયો હતો. અકસ્માત ના ધડાકા ના અવાજ થી વાહન ચાલકો અને લોકો દોડી આવ્યા હતા. કાર ચાલક ને ઇજા પહોંચી હોવાની વિગતો સામે આવી રહી છે. આ વચ્ચે ચાલક નશા માં હતો કે પછી ચાલુ કરે ઝોકું આવી જતા કાર રોડ સાઈડ પર આવેલ નાળા ની દીવાલ પર ચઢાવી દીધી હોવાની માહિતી સાંપડી રહી છે. અકસ્માત બાદ કાર નીચે ઉતારી લેવામાં આવી હતી અને રોડ સાઈડ પર કરવામાં આવી હતી. કારનો આગળનો ભાગ નો ખુરદો બોલી ગયો હતો. ઘટના અંગે હજુ સુધી કોઈ જ પોલીસ ફરિયાદ નોંધાઈ ના હોવાનું સામે આવી રહ્યું છે.