ભરૂચ શહેરમાં આવેલી હોલી એન્જલ કોન્વેન્ટ સ્કૂલ ની પાછળ આવેલા ભીડભંજનની ખાડી વિસ્તારમાં રાત્રિના સમયે કેટલાક શખ્સો જુગાર રમતા હોવાની ચોક્કસ બાતમી ભરૂચ એલસીબીની ટીમને મળી હતી. બાતમીના આધારે પોલીસે તાત્કાલિક સ્થળ પર દરોડો પાડતા જુગારિયાઓમાં અફરાતફરી મચી ગઈ હતી.
પોલીસને જોઈને જુગાર રમતા શખ્સો ભાગવા લાગ્યા હતા, જેમાંથી 3 જુગારિયાઓને ઝડપી પાડવામાં સફળતા મળી હતી, જ્યારે 4 શખ્સો અંધારાનો લાભ લઈને ફરાર થઈ ગયા હતા.
ઝડપાયેલા આરોપીઓમાં આકીબ મહંમદ ફરીદ શેખ આકીબ મહંમદ ફરીદ શેખ, મહેન્દ્ર જેસંગ પરમાર મહેન્દ્ર જેસંગ પરમાર તેમજ અયાઝ ગુલામ રસુલ કુરેશી અયાઝ ગુલામ રસુલ કુરેશી નો સમાવેશ થાય છે.
પોલીસે આરોપીઓની અંગઝડતી તેમજ દાવ પર લાગેલી અને વેરણછેરણ પડેલી રોકડ રકમ મળી કુલ ₹17 હજારથી વધુની રોકડ સાથે 2 મોબાઇલ ફોન મળી કુલ ₹23 હજારથી વધુનો મુદ્દામાલ જપ્ત કર્યો હતો.
ઝડપાયેલ આરોપીઓની પૂછપરછ દરમિયાન ફરાર થયેલા આરોપીઓના નામ શાહરૂખ રીક્ષાવાળો શાહરૂખ રીક્ષાવાળો, રાહુલ મહેશ વસાવા રાહુલ મહેશ વસાવા, લાલા ઉર્ફે પોલીસ લાલા ઉર્ફે પોલીસ તેમજ વિજય દૂધા વિજય દૂધા હોવાનું બહાર આવ્યું હતું.
પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે. સાથે જ ફરાર આરોપીઓને ઝડપી પાડવા માટે તપાસના ચક્રો ગતિમાન કરવામાં આવ્યા છે.
