ભરૂચ: ભરૂચ-દહેજ માર્ગ પર હિંગલોટ ગામ નજીક એક કન્ટેનર અચાનક પલટી જતાં અફરાતફરીનો માહોલ સર્જાયો હતો. માર્ગ પરથી પસાર થઈ રહેલું કન્ટેનર કોઈ કારણોસર પલટી જતાં આસપાસના લોકોમાં ચકચાર મચી ગઈ હતી.
પ્રાપ્ત વિગતો અનુસાર, હિંગલોટ ગામ નજીકથી પસાર થઈ રહેલું કન્ટેનર અચાનક પલટી ખાઈને રસ્તા પર પડ્યું હતું. ઘટનાને પગલે માર્ગ પરથી પસાર થતા અન્ય વાહનચાલકોમાં અસમંજસની સ્થિતિ સર્જાઈ હતી. અકસ્માતની જાણ થતાં આસપાસના લોકો પણ ઘટનાસ્થળે દોડી આવ્યા હતા.
ભરૂચ-દહેજ માર્ગ પર વાહનોની સતત અવરજવર રહેતી હોવાથી કન્ટેનર પલટી જવાની ઘટનાને પગલે વાહનચાલકોમાં સાવચેતી જોવા મળી હતી. જોકે, કન્ટેનર કયા કારણોસર પલટી ગયું તે અંગે હજુ સુધી સ્પષ્ટતા થઈ નથી.
આ અકસ્માતમાં કોઈ જાનહાનિ થઈ છે કે કોઈને ઈજા પહોંચી છે તે અંગે પણ સત્તાવાર વિગતો સામે આવી નથી. ઘટનાને પગલે વિસ્તારમાં ભારે ચર્ચા જાગી છે.
