Proud of Gujarat
bharuchCrime & scandalFeaturedGENERAL NEWSGujaratINDIAUncategorized

ધાબા પર પાર્ટી કરવાની ના પાડતાં યુવાન પર ચાર શખ્સોનો હુમલો, બાઈકમાં પણ તોડફોડ : ભરૂચના મહાદેવનગરમાં જૂની અદાવતમાં મારામારી; જાનથી મારી નાખવાની ધમકી આપ્યાની ફરિયાદ

Share

 

ભરૂચ શહેરના ભોલાવ વિસ્તારમાં આવેલા મહાદેવનગરમાં ધાબા પર પાર્ટી કરવાની ના પાડવાની અદાવતમાં એક યુવાન પર ચાર શખ્સોએ હુમલો કર્યો હોવાની ઘટના સામે આવી છે. હુમલાખોરોએ યુવાનને માર મારવા ઉપરાંત તેની બાઇકમાં પણ તોડફોડ કરી જાનથી મારી નાખવાની ધમકી આપતાં મામલો પોલીસ મથકે પહોંચ્યો છે.

Advertisement

મળતી માહિતી મુજબ, મહાદેવનગરમાં રહેતા વિશાલભાઈ પંચોલી (ઉં.વ. 34) છૂટક મજૂરી કામ કરે છે અને માતા સાથે રહે છે. તેમના બીજા મકાનની બાજુમાં રહેતા દિવ્યેશ સોલંકી અવારનવાર મિત્રો સાથે તેમના મકાનના ધાબા પર બેસીને પાર્ટી કરતા હતા. આ અંગે વિશાલભાઈએ અવારનવાર વાંધો ઉઠાવી પાર્ટી કરવાની ના પાડી હતી. જેને લઈને દિવ્યેશ સોલંકી અદાવત રાખતો હતો.

ગત 10 નવેમ્બરની રાત્રે આશરે સાડા બાર વાગ્યાના અરસામાં વિશાલભાઈ કસક વિસ્તારમાંથી મંચુરિયન લઈને બાઇક પર ઘરે પરત ફરી રહ્યા હતા. દરમિયાન પાણીની ટાંકી પાસે દિવ્યેશ સોલંકીએ તેમનું બાઇક અટકાવી ચાવી કાઢી લીધી હતી અને અચાનક મોઢા પર મુક્કા મારવાનું શરૂ કર્યું હતું. ત્યારબાદ તેની સાથે રહેલા કિશન ગોહિલ તથા અન્ય બે અજાણ્યા શખ્સોએ પણ ભેગા મળી ગાળો આપી માર માર્યો હતો.

આરોપીઓએ જતા જતા ફરી મળવા પર જાનથી મારી નાખવાની ધમકી આપી હતી. એટલું જ નહીં, વિશાલભાઈની બાઇકના કાચ, ફાઇબર અને ટાંકીમાં પણ તોડફોડ કરી નુકસાન પહોંચાડ્યું હતું. આ અંગે વિશાલભાઈ પંચોલીએ દિવ્યેશ સોલંકી, કિશન ગોહિલ અને અન્ય બે અજાણ્યા શખ્સો વિરુદ્ધ કાયદેસરની કાર્યવાહી કરવા ફરિયાદ નોંધાવી છે.


Share

Related posts

મહિનાના પહેલા દિવસે મોંઘવારીનો આંચકો: ગેસના ભાવમાં ફરી વધારો

ProudOfGujarat

અંકલેશ્વર- રંગ રસિયા ગરબા ગ્રાઉન્ડમાં ટીવી સિરીયલના હંસ રાજપૂતે મચાવી ધૂમ, ગરબા ખેલૈયાઓ સાથે ઝુમી ઉઠ્યા..

ProudOfGujarat

પોરબંદરમાં ગેરકાયદેસર મની લોન્ડરિંગ એક્ટીવિટીઝ સ્પેશ્યલ ડ્રાઇવને લઈ લોકદરબાર યોજાયો

ProudOfGujarat

Leave a Comment

error: Content is protected !!