અંકલેશ્વર-હાંસોટ રોડ ઉપર આવેલ નવા તરીયા બસ સ્ટેન્ડ નજીક પીકઅપ ચાલકે બાઇકને ટક્કર મારતા એક યુવાનનું ઘટના સ્થળે જ કરૂણ મોટ નીપજ્યું હતું…

પ્રાપ્ત માહિતી અનુસાર અંકલેશ્વર તાલુકાના જુના શક્કરપોર ખાતે રહેતા બાબુભાઈ રણછોડભાઈ વસાવાનો ભાણિયો 20 વર્ષીય કિરણ ઉર્ફે સાગરભાઈ ફતેસિંગ વસાવા પોતાની મોટર સાયકલ નંબર-જી.જે.16.એઆર.4112 લઈને ગતરોજ સાંજે 8 વાગ્યાના અરસામાં અંકલેશ્વર-હાંસોટ હાંસોટ રોડ ઉપર આવેલ નવા તરીયા બસ સ્ટેન્ડ પાસેથી પસાર થઈ રહ્યો હતો તે દરમિયાન પુરપાટ અને ગફલતભરી રીતે ઘસી આવેલ પીકઅપ ગાડી નંબર-જી.જે.16.ઝેડ 8536ના ચાલકે બાઇકને ટક્કર મારતા અકસ્માત સર્જાયો હતો સદર અકસ્માતમાં બાઈક સવારને શરીરે ગંભીર ઈજાઓ પહોંચતા તેનું ઘટના સ્થળે જ કરૂણ મોત નીપજ્યું હતું અકસ્માત અંગે અંકલેશ્વર તાલુકા પોલીસ મથકે ગુનો નોંધાવા પામ્યો છે.