અંકલેશ્વર તાલુકા પોલીસે દઢાલ ગામની અમરાવતી નદી કિનારે જુગાર રમતા એક ઈસમને ઝડપી પાડયો હતો જયારે મુખ્ય સૂત્રધાર સહીત બે ઈસમો ફરાર થઇ ગયા હતા.

પ્રાપ્ત માહિતી અનુસાર અંકલેશ્વરના દઢાલ ગામની અમરાવતી નદી કિનારે કેટલાક ઈસમો ફર્ક આંકડાનો સટ્ટો રમી રહ્યા છે જેવી બાતમીના આધારે તાલુકા પોલીસે દરોડા પાડતા જુગારીયાઓમાં નાશભાગ મચી જવા પામી હતી પોલીસે સ્થળ પરથી રોકડા 12 હજાર અને એક ફોન મળી કુલ 15 હજારથી વધુના મુદ્દામાલ સાથે અંકલેશ્વરના સરગમ કોમ્પ્લેક્ષ સ્થિત નવી નગરીમાં રહેતા રણવીરસિંહ હિંમતસિંહ ચૌહાણને ઝડપી પાડયો હતો. જયારે મુખ્ય સૂત્રધાર ફૈઝલ હુશેન શેખ અને વિષ્ણુ અરવિંદભાઈ વસાવા ફરાર થઇ ગયા હતા પોલીસે ત્રણેય ઈસમો વિરુદ્ધ ગુનો નોંધી વધુ તપાસ હાથ ધરી છે.