ભરૂચ પેરોલ ફર્લો સ્ક્વોર્ડની ટીમે મહારાષ્ટ્રનાં અક્કલકુવા પોલીસ મથકે નોંધાયેલ પ્રોહિબિશન અંગેના ગુનામાં નાસતા ફરતા એક આરોપીને ઝડપી પાડયો હતો.

ભરૂચ પેરોલ ફર્લો સ્ક્વોર્ડની ટીમ પેટ્રોલિંગમાં હતી તે દરમ્યાન નર્મદા ચોક્ડી પાસે ભરૂચના શેરપુરાનો રહીશ બુટલેગર યાસીન દાઉદ મેમણ નજરે ચઢતા તેની અટકાયત કરી હતી. તેના વિરુદ્ધ વર્ષ 2019 દરમ્યાન મહારાષ્ટ્રના અક્કલકુવા પોલીસ મથકે પ્રોહિબિશન એક્ટ કલમ 65 ઈ મુજબ ગુનો દર્જ થયો હતો અને તે નાસતો ફરતો હતો.પોલીસ ટુકડીએ CRPC કલમ 41(1)ઈ અંતર્ગત અટક કરી વધુ કાર્યવાહી અર્થે ભરૂચ સી ડિવિઝન પોલીસને સોંપ્યો હતો.