પાલેજ ને.હા.ચોકડી ઉપર તા.૧૦ મી નાં રોજ સાંજે ૭ વાગ્યાનાં અરસામાં કાર અને બાઈક વચ્ચે સર્જાયેલા અકસ્માતમાં બાઈકનાં ચાલકનું મોત નીપજ્યું હતું. પ્રાપ્ત માહિતી અનુસાર ગત સાંજે કોળીયાડ ગામના પ્રિતેશ વિનોદભાઈ પટેલ વડોદરાથી ઘરે પરત આવતાં ને.હા.નંબર ૪૮ ઉપર આવેલ ઓવર બ્રિજની બાજુમાં સર્વિસ રોડથી કોળીયાડ જવા માટે તેમના પત્ની તેમજ બાળકોને ઉતરેલ તે વખતે સર્વિસ રોડ ઉપર આવતાં સામેથી એક મોટર સાયકલ રોંગ સાઈડ પુર ઝડપે આવતાં વેગેનારને બ્રેક મારી ઊભી કરી દીધેલ તેમ છતાં મોટર સાયકલ પુર ઝડપે હોય મોટર સાયકલ ઉછળી કારની આગળ બોનેટનાં ભાગે પડેલ જેથી કારનો આગળનો કાચ પણ તૂટી ગયેલ હતો.અકસ્માતમાં બાઈક ચાલકને મોઢાના ભાગે ગંભીર ઈજાઓ થઈ હતી તેઓને સારવાર અર્થે ૧૦૮ મારફતે પાલેજ સરકારી દવાખાને લઈ જતાં સારવાર દરમિયાન બાઈક ચાલક દિનેશ રઘુવીર ડાવી રહે. ગડવાના.તા.સિલવાની.જી.રાયસેન.મધ્ય પ્રદેશનું મોત નિપજ્યું હતું.પાલેજ પોલીસે કાયદેસર કાગળો કરી ઘટના સબંધી વધુ તપાસ હાથ ધરી હતી.
ઇમરાન ઐયુબ મોદી-પાલેજ
