ભરૂચમાં અવારનવાર વિદેશી દારૂની હેરાફેરી કરતાં શખ્સોને પોલીસ સકંજામાં લેતી હોય છે. આજે ફરી એક વખત વડદલા પાટિયા પાસેથી પોલીસે રૂ. પાંચ લાખથી વધુનાં મુદ્દામાલ સાથે બે આરોપીને ઝડપી પાડયા છે.
આ બનાવની મળતી વિગતો અનુસાર પોલીસ મહાનિરીક્ષક હરિકૃષ્ણ પટેલ રેન્જ વડોદરા, ભરૂચ જિલ્લા પોલીસ વડા રાજેન્દ્રસિંહ ચુડાસમા દ્વારા પ્રોહિબિશનને લગતા કેસો શોધી કાઢવા સૂચના આપવામાં આવેલ હોય જે સૂચનાને અનુસંધાને પોલીસ ઈન્સ્પેકટર જે.એન.ઝાલા, એલ.સી.બી. ભરૂચની સૂચના અને માર્ગદર્શન મુજબ લોકલ ક્રાઇમ બ્રાંચની ટીમ પેટ્રોલીંગમાં હતી તે દરમિયાન બાતમી મળી કે ભરૂચ નેશનલ હાઇવે નં.48 ઉપર ભરૂચ એલ.સી.બી પોલીસને એક શંકાસ્પદ હિલચાલવાળી ટ્રક જણાયેલ જેની બાતમીનાં આધારે તલાશી લેતા વડદલા પાટિયા પાસેથી આઇસર ટ્રક નંબર MH-48 G 4214 માં બનાવેલ ચોર ખાનામાં ભારતીય બનાવટનાં વિદેશી દારૂ રૂ.2,61,400, આઇસર ટ્રક નં. MH-48 G 4214 કિં.રૂ.3,00,000, મોબાઈલ નંગ 1 કિં.રૂ.1000 મળી કુલ મુદ્દામાલ કિં.રૂ. 5,62,400 સાથે બે આરોપીઓ (1) દિપક ઉર્ફે મોવનલાલ તુલસારામ મેધવાલ હાલ રહે.ઉમરદા ગામ ઝુંપડામાં મહારાષ્ટ્ર (2) રાકેશ ઉર્ફે ઇન્દ્રરામ જોધારામ મેધવાલ રહે. ઉમરદા ગામ નંદુબારને ઝડપી પાડી કાયદેસરની કાર્યવાહી કરી આગળની તપાસ માટે ભરૂચ શહેર સી ડીવીઝનને સોંપવામાં આવેલ છે.
