માંગરોળ- ઉમરપાડા પોલીસ સ્ટેશન અને વન વિભાગની કચેરીમાં દશેરા નિમિત્તે શસ્ત્ર પૂજા થઈ.

માંગરોળ અને ઉમરપાડા તાલુકા મથક પોલીસ સ્ટેશનમા અને ઝંખવાવમા વન વિભાગ દ્વારા દશેરા પર્વ નિમિત્તે શસ્ત્ર પૂજાનો કાર્યક્રમ યોજાયો હતો.
માંગરોળ તાલુકા મથક પોલીસ સ્ટેશન ખાતે ફરજ પરના પોલીસ કર્મચારી જયકિશનભાઇ મોહિલાભાઈ અને અન્ય પોલીસ કર્મચારીઓ દ્વારા દશેરા પર્વ નિમિત્તે શસ્ત્ર પૂજા કરવામાં આવી હતી. તેમજ ઉમરપાડા તાલુકા મથક પોલીસ સ્ટેશનમાં ફરજ પરના પોલીસ સબ ઇન્સ્પેક્ટર આશિષ છૈયા પોલીસ કર્મચારીઓ દ્વારા શાસ્ત્રોક પૂજા વિધિ સાથે શસ્ત્ર પૂજન કરવામાં આવ્યું હતું. ઝંખવાવ ગામે વન વિભાગના અધિકારી નીતિનભાઈ વરમોરા તેમજ જયંતીભાઈ બારીયા, જયેશભાઈ વસાવા વગેરેના હસ્તે શસ્ત્રપૂજન કરવામાં આવ્યું હતું.

વિનોદ મૈસૂરિયા : વાંકલ