અંકલેશ્વરમાં પ્રતિન ચોકડી નજીક ટેમ્પાનાં ડ્રાઈવરે સ્ટેરિંગ પર કાબુ ગુમાવતા ટેમ્પો રોંગ સાઈડ પર આવી ત્રણ વાહનને અડફેટમાં લીધા હતા. જેને પગલે ત્રણેય ગાડીના મુસાફરોને નાની મોટી ઇજાઓ થવા પામી હતી.
બનાવ અંગે મળતી માહિતી અનુસાર આજરોજ વહેલી સવારે અંકલેશ્વર પંથકમાં આવેલ જેમાં 2 ઇકો અને એક ટ્રાવેલ બસને એક ટેમ્પાએ અડફેટમાં લીધા હતા. જેમાં 1 ઇકોને સાઈડમાં ટક્કર મારી હતી તો બસને આગળની સાઈડ ધસી હતી અને એક ઇકોને આગળના બોનેટનાં ભાગમાં ટક્કર મારી હતી.સદનસીબે કોઈ પણ જાનહાની થઈ નથી. લોકોને માત્ર નાની મોટી ઇજાઓ થવા પામી છે. અકસ્માતના કારણે ટ્રાફિકજામ સર્જાયો હતો. ઘટના સ્થળે પોલીસનો કાફલો પહોચ્યા બાદ ટ્રાફિકને હળવો કર્યો હતો.
મુકેશ વસાવા : અંકલેશ્વર
Advertisement
