દિનેશભાઇ અડવાણી
ભરૂચ જિલ્લા પોલીસ વડા રાજેન્દ્રસિંહ ચુડાસમાની સૂચના મુજબ જિલ્લામાં બનેલ ગુનાઓના નાસતા ફરતા આરોપીઓને શોધી કાઢવા અંગેની ઝુંબેશ હાથ ધરવામાં આવી છે.જે અનુસંધાને પો.સ.ઈ વાય.જી.ગઢવીના માર્ગદર્શન હેઠળ ભરૂચ પેરોલ ફલૉ સ્કોડની એક ટીમ બનાવી વલસાડ જિલ્લામાં આરોપીઓની તપાસમાં ગયા હતા.તે દરમિયાન મળેલ બાતમીના આધારે વાલિયા પોલીસ સ્ટેશન ગુ.રુ.નંબર III ૫/૨૦૦૭ પ્રોહી કલમ ૬૬(૧)બી,૬૫-એ.ઈ,૧૧૬(ખ) મુજબના ગુનામાં છેલ્લા બાર વર્ષથી નાસતો ફરતો આરોપી યશવંતભાઈ ઉર્ફે જશવંતભાઈ ગાંડાભાઈ પટેલ ઉર્ફે ભંડારી રહેવાસી કીકરલા સડક ફળિયા તાલુકો.પારડી,જિલ્લો.વલસાડ ને આજરોજ સી.આર.પી.સી કલમ ૪૧(૧)આઈ મુજબ અટક કરી વાલિયા પોલીસ સ્ટેશનમાં આગળની કાર્યવાહી કરવા સુપ્રત કરવામાં આવેલ છે.ઉપરોક્ત કામગીરી ભરૂચ પેરોલ ફલૉ સ્કોડના અ.હે.કો જયેન્દ્રસિંહ મહોબતસિંહ તથા એલ.આર.પી.સી નિમેષભાઈ નવીનભાઈ તથા અનિલભાઈ દીતાભાઈ તથા વુમન એલ.આર.પી.સી નીતાબેન રમણસીંગ દ્વારા ટીમવર્કથી કરવામાં આવી હતી.
