ભરૂચ :
ભરૂચ લોકલ ક્રાઇમ બ્રાન્ચે દિલ્હી-મુંબઈ એક્સપ્રેસ-વે પર મોટી કાર્યવાહી કરી વિદેશી દારૂના જથ્થા સાથે એક આરોપીને ઝડપી પાડ્યો છે, જ્યારે તેનો સાથી ફરાર થઈ ગયો છે.
બાતમીના આધારે પોલીસે સુરત-વડોદરા રૂટ પર નજર રાખી હતી. આ દરમિયાન શંકાસ્પદ મારૂતિ સ્વીફ્ટ કાર (GJ 23 CE 5878)ને અટકાવી તપાસ કરતા કારમાંથી 62 બોક્સ વિદેશી દારૂ મળી આવ્યો હતો, જેની અંદાજીત કિંમત ₹3.27 લાખ છે.
કારમાં સવાર ધર્મેન્દ્ર રમેશભાઈ ચૌહાણ (આણંદ)ને સ્થળ પરથી જ ઝડપાયો હતો. પૂછપરછ દરમિયાન તેણે કબૂલ્યું કે તે મોન્ટુ પરમાર સાથે મળી કીમ નજીકથી દારૂ લઈ આણંદ તરફ લઈ જઈ રહ્યો હતો.
પોલીસે દારૂ સાથે ₹5 લાખની કાર અને બે મોબાઈલ ફોન સહિત કુલ ₹8.37 લાખનો મુદ્દામાલ જપ્ત કર્યો છે. ફરાર આરોપી મોન્ટુ પરમારને વોન્ટેડ જાહેર કરી તેની શોધખોળ તેજ કરવામાં આવી છે.
આ કાર્યવાહીથી એક્સપ્રેસ-વે પર ગેરકાયદેસર દારૂના જથ્થા પર રોક લગાવવાનો મહત્વનો પ્રયાસ માનવામાં આવી રહ્યો છે.
