નેશનલ હાઈવે પર પરવાના હોટલ પાસેની ઘટના
ભરૂચ.
ભરૂચ તાલુકામાં આવેલાં પરિએજ ગામે રહેતો વિપુલ ચતુર રાઠોડ ગત : મેના રોજ રાત્રીના સમયે તેમની બાઈક લઈને કોઈ કામ અર્થે ભરૂચ નેશનલ હાઈવે પરથી પસાર થઈ રહ્યો હતો. તે ભરૂચથી વડોદરા જવાના રોડ પરથી જઈ રહ્યો હતો. તે વેળા રાત્રીના સાડા નવ વાગ્યાના અરસામાં પરવાના હોટલની સામેથી પસાર થતાં સમયે કોઈ કારણસર તેમનું સ્ટિવરીંગ પર કાબુ નહીં રહેતાં તેમની બાઈક સ્લીપ થઈ ગઈ હતી. અકસ્માતને પગલે તેમને ગંભીર ઈજાઓ થઈ હતી.
ઘટનાને પગલે આસપાસના લોકો તુરંત સ્થળ પર દોડી આવ્યાં હતાં. તેમજ ઈજાગ્રસ્તને તાત્કાલિક સારવાર માટે ભરૂચની એક હોસ્પિટલમાં ખસેડવામાં આવ્યો હતો. જ્યાં તેની હાલત ગંભીર જણાતાં તેને વધુ સારવાર માટે વડોદરાની સયાજી હોસ્પિટલમાં લઈ જવાયો હતો. જ્યા તેની સારવાર ચાલી રહી હતી. પરિવારજનોએ જે તે સમયે ઘટનાને લઈને કોઈ પણ પ્રકારની ફરિયાદ નોંધવાનું ટાળ્યું હતું. દરમિયાનમાં ગઈકાલે તેનું સારવાર દરમિયાન મોત નીપજ્યું હતું, જેના પગલે તેમણે નબીપુર પોલીસ મથકે કરિયાદ નોંધાવતાં નબીપુર પોલીસે ગુનો નોંધી આગળની કાયદેસરની કાર્યવાહી હાથ ધરી છે.
