ભરૂચ.
વાગરા ગામે આવેલાં જેનીથ પાર્ક ( ઓવેશપાર્ક) ખાતે રહેતાં તૌસીફ અકબર કાદરી ડ્રાઇવિંગ કરી પરીવારનું ગુજરાન ચલાવે છે. તે રાત્રે નવેક વાગ્યે નોકરીએથી ઘરે આવી રહ્યો હતો. તે વેળાં તેમના મોટા પુત્ર રુહાને ફોન કરી જણાવ્યું હતું કે, રહીમાબેનની છોકરી તસ્લીમા મકસુદ પટેલે તેને અમારી બિલાડી તું ચોરી કરીને લઇ ગયો છે તેમ કહીં રડવા લાગી હતી. જેથી તૌસીફે આવીને રહિમાબેનના ઘરે જઇ બિલાડી બાબતે વાત કરી તેમના પુત્ર પર ખોટા આક્ષેપ કેમ લગાડો છો કહેતાં રહિમાની પુત્રી તસ્લીમાએ અચાનક ઉશ્કેરાઇ જઇ તેમને અપશબ્દો ઉચ્ચારી તમે લોકોએ જ અમારી બિલાડી ચોરી કરી છે કહીં ઝઘડો કરવા લાગી હતી. દરમિયાનમાં તસ્લીમાનો ભાઇ સાહિદ પણ ત્યાં હાજર હોઇ તેણે પણ તેને અપશબ્દો ઉચ્ચાર્યાં હતાં. તેમજ તેઓએ તેમને જાનથી મારી નાંખવાની ધમકીઓ આપી હતી. બનાવને પગલે તેમણે વાગરા પોલીસ મથકે ફરિયાદ નોંધાવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.
