Proud of Gujarat
bharuchCrime & scandalFeaturedGENERAL NEWSGujaratINDIAUncategorized

ખેતરનો રસ્તો રોક્યો, અવાજ ઉઠાવ્યો તો મારવાની ધમકી! એટ્રોસિટીમાં ફસાવવાની ચીમકીથી ખેડૂત પહોંચ્યો કલેક્ટર પાસે : ઝઘડિયાના નવા ટોઠીદરાના ખેડૂતની કલેક્ટરને રજૂઆત : સર્વે નંબર 481ની જમીન સુધી કાયદેસર રસ્તો અપાવવા સ્થળ તપાસની માંગ

Share

 

ભરૂચ :

Advertisement

ઝઘડિયા તાલુકાના નવા ટોઠીદરા ગામના ખેડૂત ગોવિંદભાઈ છોટાભાઈ માછીએ પોતાની ખેતીની જમીન સુધી આવવા-જવાનો રસ્તો બંધ કરી દેવામાં આવ્યો હોવાની ફરિયાદ જિલ્લા કલેક્ટરને કરી છે. આ ઉપરાંત ખેતરમાં જવાનો પ્રયાસ કરતાં કેટલાક વ્યક્તિઓ દ્વારા માર મારવાની તેમજ એટ્રોસિટી એક્ટ હેઠળ ફરિયાદમાં ફસાવી દેવાની ધમકી આપવામાં આવતી હોવાનો આક્ષેપ કરી ન્યાયની માંગ કરવામાં આવી છે.

અરજદાર ગોવિંદભાઈ માછીના જણાવ્યા અનુસાર, તેમની ખેતીની જમીન સર્વે નંબર 481માં આવેલી છે. જોકે, સામે પક્ષના વ્યક્તિઓ દ્વારા ગૌચરની જમીનમાં કેર અને કપાસનું વાવેતર કરી દેવામાં આવ્યું હોવાથી તેમને ખેતરમાં આવવા-જવાનો રસ્તો મળતો નથી. પરિણામે ખેતીના કામકાજમાં ભારે મુશ્કેલીનો સામનો કરવો પડી રહ્યો છે.

અરજીમાં પરેશભાઈ અરવિંદભાઈ પાટણવાડિયા, લાલજીભાઈ માધવભાઈ વસાવા અને મોદુમભાઈ નામના વ્યક્તિઓ સામે આક્ષેપ કરતાં જણાવ્યું છે કે, ખેતરમાં જવા માટે પસાર થવાનો પ્રયાસ કરવામાં આવે ત્યારે ઝઘડો કરી માર મારવાની તેમજ એટ્રોસિટી એક્ટની કલમ લગાવી દેવાની ધમકી આપવામાં આવે છે.

આ સમસ્યાના ઉકેલ માટે અરજદારે અગાઉ 29 જુલાઈ 2026ના રોજ વકીલ મારફતે ઝઘડિયા મામલતદાર કચેરીમાં અને 17 ઓગસ્ટ 2026ના રોજ ગ્રામ પંચાયતના તલાટી-કમ-મંત્રીને લેખિત અરજી આપી હતી. જોકે, આજદિન સુધી કોઈ યોગ્ય કાર્યવાહી થઈ ન હોવાનો આક્ષેપ કરવામાં આવ્યો છે.

આથી જિલ્લા કલેક્ટરને રજૂઆત કરી સર્વે નંબર 481ની જમીન સુધીના કાયદેસર રસ્તા અંગે સરકારી રેકોર્ડના આધારે તપાસ કરાવવા, સ્થળ પંચનામું કરાવવા તેમજ ગૌચર જમીનમાં થયેલા વાવેતર અંગે તપાસ કરી નિયમ મુજબ કાર્યવાહી કરવાની માંગ કરવામાં આવી છે. સાથે જ ધમકી આપનાર વ્યક્તિઓ સામે તપાસ કરી પોલીસ મારફતે સુરક્ષા અને કાયદેસરની કાર્યવાહી કરવા રજૂઆત કરાઈ છે.


Share

Related posts

સુરેન્દ્રનગર લખતરમાં આવેલ એકમાત્ર ઈંગ્લીશ મીડીયમ સ્કૂલ સેન્ટ જોસેફમાં અનાજ અને કપડાંનું વિતરણ કરાયુ.

ProudOfGujarat

ભરૂચની અવધૂત નગર સોસાયટીમાં સવા નવ લાખનો હાથ ફેરો કરતી કામવાળી

ProudOfGujarat

દહાણુ એક્સપ્રેસની લેડીઝ બોગીમાં મહિલાના પર્સમાંથી રૂ.47,854નું મંગળસૂત્ર ચોરાયું : અંકલેશ્વરથી સુરત રક્ષાબંધન માટે જતી મહિલાને પાનોલી નજીક ભીડનો લાભ લઈ તસ્કરે નિશાન બનાવી

ProudOfGujarat

Leave a Comment

error: Content is protected !!