ભરૂચના પશ્ચિમ વિસ્તારમાં આવેલ ખુશ્બુ પાર્કમાં રહેતા મકાન માલિક અમદાવાદ જતા બંધ ઘરને નિશાન બનાવી તસ્કરો રોકડા અને સોનાના દાગીના મળી કુલ રૂ! ૫૫,૦૦૦ નો મુદ્દામાલનો હાથ ફેરો કરી જતા ચકચાર મચી જવા પામી હતી.
ભરૂચના પશ્ચિમ વિસ્તારમાં આવેલ ખુશ્બુ પાર્કમાં ૧૮ નંબરના મકાનમાં રહેતા સદાક શેખ પરિવારજનો સાથે બહાર ગામ ગયા હતા. તે દરમ્યાન તેમને મેસેજ મળ્યો હતો કે તેમના ઘરનું તાળું તૂટેલ છે અને ચોરી થઇ છે તેના પગલે પરત ભરૂચ દોડી આવ્યા હતા.
Advertisement
ઘરે આવી તપાસ કરતા ઘરમાંથી રોકડા ૧૭,૦૦૦ તેમજ સોનાની બંગાળી અને ત્રણ વીંટી ઉપરાંત ત્રણ ઘડિયાળો મળી અંદાજે રૂ! ૫૫૦૦૦ નાં મુદ્દામાલની ચોરી થયાનું માલુમ પડતા આ અંગે ભરૂચ બી ડીવીઝન પોલીસ મથકે ફરિયાદ નોંધાવી આગળની તપાસની તજવીજ હાથ ધરી હતી.
