એક તરફ ભરૂચ જિલ્લામાં ઠંડીનો ચમકારો જોવા મળી રહ્યો છે તો બીજી તરફ મીઠી નિદ્રા મારતા શહેરીજનોની ઊંઘ ઉડાડવા માટે તસ્કરો પણ બેફામ બન્યા છે, ભરૂચ જિલ્લાના કેટલાય ભાગોમાં દર બે દિવસે ચોરીઓ અંગેની ફરિયાદ પોલીસ ચોપડે નોંધાઈ રહી છે, તેવામાં વધુ એક ઘટના ભરૂચ શહેરમાંથી સામે આવી છે.
ભરૂચ શહેરના લિંક રોડ વિસ્તારમાં આવેલ આશુતોષ સોસાયટી ખાતે રાત્રીના સમયે સોસાયટીના મકાનો પાસે રેકી કરી ચોરીનો પ્રયાસ કરતા બે જેટલા અજાણ્યા બુકાનીધારી તસ્કરો સોસાયટીના સીસીટીવી કેમેરામાં કેદ થતા સ્થાનિકોમાં તસ્કરોનો ખોફ જોવા મળ્યો હતો.
સોસાયટી વિસ્તારમાં બિન્દાસ અંદાજમાં રેકી કરતા તસ્કરો મામલે સ્થાનિકોએ ફૂટેજની મદદથી ઘટના અંગેની જાણ ભરૂચ એ ડિવિઝન પોલીસને કરતા પોલીસે મામલા અંગેની તપાસ શરૂ કરી છે.
Advertisement
