ભરૂચ : દાઉદી વ્હોરા સમાજ દ્વારા ગણતંત્ર દિવસની ઉજવણી કરાઇ.

ભરૂચ સ્થિત દાઉદી વ્હોરા સમાજ દ્ધારા ૭૪ માં પ્રજાસત્તાક દિવસની આન, બાન અને શાન સાથે ઉજવણી કરી હતી. જનાબ આમીલ સાહેબના વરદ હસ્તે ધ્વજ વંદન કરવામાં આવ્યુ હતુ. આ પ્રસંગે તેમણે દેશની પ્રગતિ માટે દુવા કરવામાં આવી હતી. પ્રજાસત્તાક પર્વની ઉજવણીમાં ભરૂચ નગરપાલિકા વિપક્ષ નેતા સમશાદ અલી સૈયદ, કોર્પોરેટર ઈબ્રાહીમ કલકલ અને વસીમ પઠાણ ઉપસ્થિત રહ્યા હતા.

આ તબકકે ભરૂચ નગરપાલિકાના સભ્યનું બહુમાન કરવામાં આવ્યુ હતુ તેમજ ગણતંત્ર દિવસને ખાસ મનાવવા સમાજના લોકોને F M B ના મેમ્બર દ્વારા ભોજન આપવામાં આવ્યુ હતુ. મદ્રસાના બાળકો એ જનજાગૃતિ લાવવાના હેતુથી ધુમ્રપાન નહિ કરવા પ્લેકાર્ડ બનાવ્યા હતા.