આગામી સમયનાં નજીકના ભવિષ્યમાં લોકસભાની ચૂંટણીઓ યોજાવા જઈ રહી છે તેવા સમયે ભરૂચ આમ આદમી પાર્ટીમાં મોટાપાયે ભંગાણ સર્જાતા ભરૂચનું રાજકારણ ગરમાયુ છે. આમ આદમી પાર્ટીના 43 જેટલા હોદ્દેદારો અને કાર્યકર્તાઓએ સત્તાવાર રીતે રાજીનામા ધરી દેતા ભરૂચના રાજકારણમાં ચહલપહલ મચી જવા પામી છે પ્રાપ્ત વિગતો અનુસાર ભરૂચ વિધાનસભામાં મત વિસ્તારમાંથી પાર્ટીના ભરૂચ વિધાનસભાના સંગઠન મંત્રી ઝફર જી શેખ દ્વારા આમ આદમી પાર્ટીના લેટરપેડ ઉપર આપના હોદ્દેદારો અને કાર્યકર્તાઓના નામ હોદ્દા સહિતનો રાજીનામાં લેટર ગુજરાત પ્રદેશ અધ્યક્ષ ઈશુદાન ગઢવી ને સંબોધી લખેલ છે, જેમાં 43 જેટલા હોદ્દેદારો તારીખ 14 12 23 થી આમ આદમી પાર્ટીમાંથી ખુશીથી અને કોઈના દાબદબાણ વગર રાજીનામા આપીએ છીએ તે મતલબનો લેખિતમાં લેટર લખેલ છે, પરંતુ રાજીનામા આપવાનું કારણ હજી સત્તાવાર રીતે બહાર પડેલ નથી, કહેવાય છે કે પક્ષના આંતરિક ડખા એટલી બધી ચરમસીમાએ પહોંચ્યા કે આમ આદમી પાર્ટીમાંથી એક સાથે 43 જેટલા કાર્યકર્તાઓ અને હોદ્દેદારોને રાજીનામું આપવાની ફરજ પડી છે
એકબાજુ આમ આદમી પાર્ટીના દેડીયાપાડા ના ધારાસભ્ય ચૈતર વસાવા ગઇકાલે લાંબા સમય પછી પોલિસ સ્ટેશને હાજર થયા, તેવા સમયે પક્ષ નાં પડખે ઊભા રહેવાની જગ્યા એ હોદ્દેદારો અને કાર્યકર્તાઓના રાજીનામા ઘણા બધા સંકેત આપી રહ્યાં છે.
