માંગરોળના કનવાડા ગામે રહેતી પર પ્રાંતીય યુવતી ગુમ થઈ.

માંગરોળ તાલુકાના કનવાડા ગામે રહેતી પર પ્રાંતિય યુવતી ગુમ થતાં યુવતીની માતાએ માંગરોળ પોલીસ મથકમાં ગુમ થયાની ફરિયાદ નોંધાવી છે. કનવાડા ગામના મંદિર ફળિયામાં રહેતી આરતીબેન બિહારીલાલ ખટીંક ઉંમર 18 વર્ષ 6 માસ મૂળ રહેવાસી ગામ બાગોલ, તાલુકો નાથદ્વાર જિલ્લો રાજસમદ, રાજસ્થાનની વતની છે. આ યુવતી કનવાડા ગામેથી તારીખ 25/8/21 ના રોજ ઘરના સભ્યોને કોઈપણ જાતની જાણ કર્યા વિના ક્યાંક ચાલી ગઈ હતી. યુવતીના પરિવારજનોએ યુવતીની શોધખોળ આદરી હતી પરંતુ તેનો ક્યાંય પતો ન લાગતા આખરે યુવતીની માતા ઇન્દિરાબેન બિહારીલાલ ખટીક દ્વારા માંગરોળ પોલીસ મથકમાં ગુમ થયા અંગેની ફરિયાદ નોંધાવવામાં આવી છે.

વિનોદ મૈસુરીયા : વાંકલ