રાજપીપળા ગર્લ્સ હોસ્ટેલની વિદ્યાર્થીની ગુમ થતા ફરિયાદ વિદ્યાર્થીની ભાવિકા રાઠવા કોલેજમાં અભ્યાસ માટે ગયેલી ત્યાથી પરત હોસ્ટેલમાં નહિ ફરતા આસી.વોર્ડને ફરિયાદ કરી.
પ્રાપ્ત માહિતી અનુસાર રાજપીપળા શર્મા કોમ્પ્લેક્ષ પાસેની ગર્લ્સ હોસ્ટેલમાં રહી કોલેજ માં અભ્યાસ કરતી ભાવિકા પ્રભુભાઈ રાઠવા નામની વિદ્યાર્થીની ગત તારીખ ૬ ડિસેમ્બરે રાજપીપળા એમ.વી. રોડ ઉપર આવેલી છોટુ પુરાણી કેમ્પસ બિરસામુંડા કોલેજમાં અભ્યાસ માટે ગઈ હતી પરંતુ ત્યાથી ગર્લ્સ હોસ્ટેલ પર પરત નહીં આવતા હોસ્ટેલ સંચાલકો ચિંતિત થયા બાદ તેની ઘણી શોધખોળ કરી છતાં તેની કોઈ માહિતી ન મળતા હોસ્ટેલના આસી.વોર્ડ નિલમકુમારીબેન પટેલે આ બાબતે રાજપીપળા પો.સ્ટે.માં જાણ કરતા પોલીસે શોધખોળ શરૂ કરી છે.
રાજપીપળા, આરીફ જી કુરેશી
Advertisement
