સુરેન્દ્રનગર લીંબડીનો ઉટડી પુલ જાણે આખલાનો અખાડો બન્યો હોય તેમ આ પુલ ઉપર સવારથી સાંજ સુધી 40 થી 50 આખલાઓ અડીંગો જમાવી બેઠા હોય છે, અને આ પુલ રાહદારીઓ અને વાહનચાલકો માટે નહીં પણ આખલા માટે બનાવ્યો હોય તેમ લાગે છે.
આ રખડતાં ઢોરને કારણે વાહનચાલકો પારાવાર મુશ્કેલીનો સામનો કરી રહ્યા છે. અગાઉ ભૂતકાળમાં આખલાઓના યુદ્ધથી માલહાની અને જાનહાનિ થઈ હોવા છતાં તંત્રના પેટનું પાણી પણ હાલતું નથી. આખલાના પરિણામે કોઈ વ્યક્તિ જીવ ગુમાવે તો તેનું જવાબદાર કોણ ? લોકશાહીમાં પ્રજા ભૂલાય રહી છે.
Advertisement
