ભરૂચ જિલ્લાના ઝઘડિયા તાલુકામાં આજે કોરોના પોઝિટિવનાં વધુ ચાર કેસ બહાર આવ્યા છે. પ્રાપ્ત વિગતો મુજબ ઝઘડિયા તાલુકાના રાજપારડી તથા પાણેથા પીએચસીના વિસ્તારમાં કુલ ૪ પોઝીટીવ કેસ આવ્યા છે. ઝઘડિયા તાલુકામાં કોરોના સંક્રમણ ઝડપથી વધી રહ્યું છે. તાલુકાના રાજપારડી, ઝઘડિયા, પીપોદરા, વણાકપોર, ફીચવાડા, અવિધા, બલેશ્વર, રાણીપુરા, દુમાલા બોરીદ્રા, ફુલવાડી વગેરે ગામોએ કુલ મળી અત્યાર સુધીમાં ૪૯ કોરોના પોઝિટિવ કેસો મળી આવ્યા હતા. આજે આવેલા વધુ ૪ કોરોના પોઝિટિવ સાથે તાલુકાનો કોરોના પોઝિટિવ દર્દીઓનો આંક ૫૩ પર પહોંચ્યો છે. આજે કોરોના પોઝિટિવ આવેલામાં ઝઘડિયાના અશા ગામે (૧) દિલહરબેન સરદારસિંહ દેસાઇ ઉ.વ ૬૪ (૨) મેઘાબેન મયુરસિંહ દેસાઇ ઉ.વ ૩૫ (૩) રાજપારડી ગામની જશોદાબેન જગદીશભાઈ પ્રજાપતિ ઉ.વ ૬૩ તથા (૪) ઉમલ્લા પોલીસ મથકના પીએસઆઈ પી.એન.વલવીને કોરોના પોઝિટિવ કેસ આવતા પાણેથા તથા રાજપારડી પીએચસી દ્વારા તે વિસ્તારના લોકોનો સર્વે કરી જરૂરી માર્ગદર્શન તથા સૂચનાઓ આપવામાં આવી છે.
ગુલામહુશેન ખત્રી રાજપારડી જિ.ભરુચ.
