ભરૂચ જિલ્લાના ઝઘડીયા તાલુકાના ઉમલ્લા દુ:વાઘપુરા ખાતે મુખ્ય ધોરીમાર્ગ પરના ચાર રસ્તા પર સી.સી.ટી.વી કેમેરા મુકવામાં આવશે. ભારત સરકારના માર્ગ સલામતી પર્વની ઉજવણી નિમિત્તે અત્રે ગ્રામપંચાયત, વેપારી મંડળ તેમજ ઉમલ્લા પોલીસ સ્ટેશનના સહયોગથી માસ્ટર લાઇટ અને સી.સી.ટી.વી કેમેરા મુકવા માટે આજે ખાતમુહુર્ત કરવામાં આવ્યું હતું.
મુકવામાં આવનાર માસ્ટર લાઇટના પોલ ઉપર સી.સી.ટી.વી કેમેરા પણ મુકવામાં આવશે. આ કેમેરા નગરની જનતાની સલામતી માટે પોલીસને મદદરૂપ બનશે. ગુનાખોરી ડામવા તેમજ અકસ્માત કરીને ભાગી જતા વાહનોને ઝડપી પાડવા કેમેરા અસરકારક રીતે મદદરૂપ બનશે. આ પ્રસંગે સ્થાનિક પીએસઆઇ ઠુમ્મર, દુ:વાઘપુરાના ઉપસરપંચ નરેન્દ્ર વસાવા, ભાજપા અગ્રણી રશ્મિકાન્ત પંડ્યા તેમજ ગામ અગ્રણીઓ ઉપસ્થિત રહ્યા હતા.
Advertisement
ગુલામહુશેન ખત્રી રાજપારડી જિ.ભરૂચ
