અંકલેશ્વર નગરમાં ડોર-ટુ-ડોર ગાર્બેજ કલેક્શન માટે નવા પાંચ ટેમ્પોની લોકાર્પણવિધિ પાલિકા ખાતે યોજાઈ હતી.
સ્વચ્છ ભારત મિશન અંતર્ગત રાજ્ય સરકાર દ્વારા GUDCI નેજા હેઠળ અંકલેશ્વર શહેરી વિસ્તારમાં ડોર-ટુ-ડોર કચરા કલેક્શન માટે પાંચ નવા ટેમ્પો ફાળવ્યાં છે. જેની લોકાર્પણવિધિ ગુરૂવારે યોજાઈ હતી. આ પ્રસંગે પાલિકા પ્રમુખ દક્ષાબેન શાહ, કારોબારી અધ્યક્ષ સંદીપ પટેલ, ઉપપ્રમુખ નીલેશ પટેલ, સહિત સભ્યો અને શહેર ભાજપના સંગઠનનાં હોદ્દેદારો ઉપસ્થિત રહ્યાં હતા. સંદીપ પટેલે જણાવ્યું હતું કે આ પાંચ નવા ટેમ્પો આવતાં નગરનાં દરેક વિસ્તારમાં સ્વચ્છતાં જાળવવાનાં ધ્યેયમાં વધુ સરળતા આવશે. નગરજનો પણ આ ડોર-ટુ-ડોર ગાર્બેજ કલેક્શનની સેવાનો લાભ લે તેવી તેમણે અપીલ કરી હતી.
Advertisement
