અંકલેશ્વર શહેર પોલીસે સામોર ગામની સીમમાંથી વિદેશી દારૂ ઝડપાવવાના મામલામાં વોન્ટેડ આરોપીને ઝડપી પાડી કાયદેસરની કાર્યવાહી હાથ ધરી છે.

પ્રાપ્ત માહિતી અનુસાર ગત જાન્યુઆરી માસમાં અંકલેશ્વર શહેર પોલીસે સામોર ગામની સીમમાં રેડ કરી વિદેશી દારૂના પાઉચ નંગ-1776 અને ટેમ્પો મળી કુલ 2.47 લાખથી વધુનો મુદ્દામાલ ઝડપી પાડ્યો હતો તે સમયે વિદેશી દારૂનો જથ્થો મૂકી ટેમ્પો ચાલક ફરાર થઇ ગયો હતો પોલીસે જેના વિરુદ્ધ પ્રોહિબિશન એક્ટ અંગેનો ગુનો નોંધી તેને ઝડપી પાડવાની કવાયત હાથ ધરી છે તે દરમિયાન શહેર પોલીસે ટેમ્પો ચાલકને ઝડપી પાડી વધુ તપાસ હાથ ધરી છે.