અંકલેશ્વરના હસ્તી તળાવ મુખ્ય માર્ગ ઉપર આજે સવારના સમયે અકસ્માતની ઘટના સામે આવતા ઉપસ્થિત લોકોમાં દોડધામ મચી હતી, ફોર વ્હીલ ગાડી, થ્રિ વ્હીલ ટેમ્પો અને એક બાઇક વચ્ચે આ અકસ્માત સર્જાયો હોવાનું સામે આવ્યું છે.
અકસ્માતની ઘટનામાં એક મહિલા સહિત ત્રણ લોકો ઇજાગ્રસ્ત થયા હોવાનું સામે આવ્યું છે, અકસ્માત બાદ ફોર વ્હીલ કારનો ચાલક પોતાની કારને સ્થળ પરજ મૂકી ફરાર થઈ ગયો હતો. ઘટના અંગેની જાણ ઉપસ્થિત લોકોને થતા તમામ ઇજાગ્રસ્ત લોકોને ૧૦૮ એમ્બ્યુલન્સની મદદથી તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યા હતા.
અંકલેશ્વરના હસ્તી તળાવ મુખ્ય માર્ગ પર સર્જાયેલ ટ્રિપલ અકસ્માતની આ ઘટના બાદ સ્થળ ઉપર લોક ટોળા જામતા એક સમયે માર્ગ પર ટ્રાફિક જામના દ્રશ્યો સર્જાયા હતા. જોકે ઘટના અંગેની જાણ પોલીસ મથકે થતા સ્થાનિક પોલીસે ઘટના સ્થળે દોડી જઈ મામલા અંગેની તપાસના ચક્રો ગતિમાન કર્યા હતા.
હારુન પટેલ : ભરૂચ
મો. : 99252 22744
