અંકલેશ્વર શહેર પોલીસે બાતમીના આધારે એસટી ડેપો નજીકથી ભારતીય બનાવટના વિદેશી દારૂના જથ્થા સાથે એક મહિલા બુટલેગરને ઝડપી પાડી નવ હજાર ઉપરાંતનો મુદ્દામાલ કબજે કર્યો હતો.

પ્રાપ્ત મળતી વિગતો અનુસાર અંકલેશ્વર શહેર પોલીસને બાતમી મળી હતી કે અંકલેશ્વર રેલવે સ્ટેશનથી એક મહિલા ભારતીય બનાવટના વિદેશી દારૂના જથ્થા સાથે પસાર થવાની છે. જેવી બાતમીના આધારે અંકલેશ્વર શહેર પોલીસનો કાફલો એસટી ડેપો નજીક વોચ ગોઠવીને બેઠા હતા દરમિયાન બાતમી વાળી મહિલા આવતા તેને રોકી તેની પુછતાછ કરતા તેનું નામ હરજીતકોર દિલાવરસિંગ ઉંમર:-36 રહે. આંબાવાડી,ગજાનંદ સોસાયટી પાછળ, અંકલેશ્વર હોવાનું જણાવ્યું હતું પોલીસે તેની પાસે રહેલ બે કાળા કલરની થેલીમાં તપાસ કરતા થેલીમાંથી 180 ML ની વિવિધ બ્રાન્ડના ક્વાર્ટર મળી આવતા પોલીસે ૯૪ ક્વાર્ટર જેની કિંમત રૂ 9,400 ના મુદ્દામાલ સાથે મહિલા બૂટલેગર હરજીતકોર દિલાવરસિંગને ઝડપી પાડી તેના વિરોધ અંકલેશ્વર શહેર પોલીસ મથકમાં પ્રોહિબિશન એક્ટ કલમ ૬૫ (એ) મુજબ ગુનો દાખલ કરી વધુ તપાસ આરંભી છે.