ધારાસભ્ય ગણપતસિંહ વસાવાના અધ્યક્ષસ્થાને વિવિધ માર્ગો અને આરોગ્ય સુવિધાના કાર્યોનો પ્રારંભ
વાંકલ : માંગરોળ તાલુકાના વિવિધ ગામોમાં અંદાજિત રૂ. 12.20 કરોડના વિકાસ કામોના લોકાર્પણ અને ખાતમુહૂર્તના કાર્યક્રમો યોજાયા હતા. આ કાર્યક્રમો ધારાસભ્ય ગણપતસિંહ વસાવાના અધ્યક્ષસ્થાને યોજાયા હતા.
કાર્યક્રમ દરમિયાન અનેક માર્ગોના લોકાર્પણ કરવામાં આવ્યા, જેમાં વાંકલ-આમખુટા-વેરાકુઇ રોડ (રૂ. 600 લાખ), સિમોદ્રા-સુરાલી રોડ (રૂ. 165 લાખ), સિમોદ્રા-નોગામાં રોડ (રૂ. 157.50 લાખ) તેમજ આસોદલા-ઘૂંટી રોડ જોડાણ શેઠી-તડકેશ્વર રોડ (રૂ. 157.50 લાખ)નો સમાવેશ થાય છે. ઉપરાંત આમખુટા-રટોટી રોડ (રૂ. 105 લાખ)નું પણ લોકાર્પણ કરવામાં આવ્યું હતું.
આ ઉપરાંત વાંકલ ગામે પ્રાથમિક આરોગ્ય સબ સેન્ટર માટે રૂ. 35 લાખના ખર્ચે ખાતમુહૂર્ત કરવામાં આવ્યું હતું. આ તમામ કાર્યો દ્વારા તાલુકાના ગ્રામ્ય વિસ્તારોમાં માર્ગ વ્યવસ્થા અને આરોગ્ય સુવિધામાં સુધારો થવાની આશા વ્યક્ત કરવામાં આવી છે.
કાર્યક્રમમાં દીપક વસાવા, અશોક ગામીત, યુવરાજસિંહ સોનારિયા, જગદીશ ગામીત, રટોટીના મુકેશ ગામીત, દિનેશ સુરતી સહિત સ્થાનિક આગેવાનો અને ગ્રામજનો મોટી સંખ્યામાં હાજર રહ્યા હતા.
