ભરૂચ :
હરિયાણાના પવિત્ર કુરુક્ષેત્ર ખાતે ગીતા જ્ઞાન સંસ્થાનમાં આયોજિત ૭મા રાષ્ટ્રીય યોગાસન ન્યાયાધીશ તાલીમ કાર્યક્રમમાં ભરૂચની પ્રતિભાશાળી દીકરી ધારા જાદવ એ સફળતાપૂર્વક તાલીમ પૂર્ણ કરી જિલ્લામાં ગૌરવની લાગણી જગાવી છે.
આ તાલીમ કાર્યક્રમનું આયોજન યોગાસન ભારત દ્વારા વિશ્વ યોગાસનના માર્ગદર્શન હેઠળ કરવામાં આવ્યું હતું. તા. ૧૩ થી ૧૭ માર્ચ દરમિયાન યોજાયેલા પાંચ દિવસીય આ રાષ્ટ્રીય કક્ષાના કાર્યક્રમમાં દેશભરના ૨૮ રાજ્ય અને કેન્દ્રશાસિત પ્રદેશોમાંથી કુલ ૧૨૦ તાલીમાર્થીઓએ ઉત્સાહભેર ભાગ લીધો હતો. કાર્યક્રમનો મુખ્ય હેતુ યોગાસન ક્ષેત્રે નિષ્પક્ષ અને પ્રશિક્ષિત ન્યાયાધીશો તૈયાર કરવાનો હતો.
ધારા જાદવે આ તાલીમ ડૉ. જયદીપ આર્ય, ઉદિત શેઠ અને ઉમંગ ડોન ના માર્ગદર્શન હેઠળ સફળતાપૂર્વક પૂર્ણ કરી છે.
તેમની આ સિદ્ધિ બદલ યોગ ક્ષેત્રના આગેવાનો તેમજ ભરૂચ જિલ્લાના રમતગમત જગત દ્વારા તેમને હાર્દિક અભિનંદન પાઠવવામાં આવ્યા છે. આગામી સમયમાં તેઓ રાષ્ટ્રીય સ્તરની યોગાસન સ્પર્ધાઓમાં ન્યાયાધીશ તરીકે સેવાઓ આપી શકશે.
