Proud of Gujarat
bharuchCrime & scandalFeaturedGENERAL NEWSGujaratINDIAUncategorized

સુરતના ઉમરપાડા અને માંગરોળ તાલુકાને દુષ્કાળગ્રસ્ત જાહેર કરવા માંગ: આદિવાસી હિતરક્ષક સમિતિ દ્વારા આવેદનપત્ર

Share

વાંકલ :
સુરત જિલ્લાના માંગરોળ અને ઉમરપાડા તાલુકામાં ચાલુ વર્ષે પૂરતો વરસાદ ન થવાને કારણે ખેતીને વ્યાપક નુકસાન થયું છે અને ગંભીર અછતની સ્થિતિ સર્જાઈ છે. આ પરિસ્થિતિને ગંભીરતાથી લઈને ગુજરાત આદિવાસી હિતરક્ષક સમિતિ (ગાંધીનગર/ઝંખવાવ) દ્વારા રાજ્યના મુખ્યમંત્રીશ્રી, મહેસૂલ વિભાગના અધિક મુખ્ય સચિવશ્રી તથા સુરત જિલ્લા કલેક્ટરશ્રીને સંબોધીને એક આવેદનપત્ર પાઠવવામાં આવ્યું છે.

આવેદનપત્રમાં જણાવ્યા અનુસાર, આ આદિવાસી બહુલ તાલુકાઓમાં ખેડૂતો મુખ્યત્વે મોસમી વરસાદી ખેતી પર જ નિર્ભર છે. ચાલુ વર્ષ ૨૦૨૬માં જુલાઈનો આખો મહિનો વરસાદ પડ્યો ન હતો અને ત્યારબાદ ૨૩ ઓગસ્ટ ૨૦૨૬ પછી પણ નોંધપાત્ર વરસાદ ન થતાં દુષ્કાળ જેવી સ્થિતિ સર્જાઈ છે. જેના કારણે ડાંગર, જુવાર, તુવેર, કપાસ, મગ અને અડદ જેવા તમામ મુખ્ય પાકો સંપૂર્ણપણે નિષ્ફળ ગયા છે.

Advertisement

સમિતિએ રજૂઆત કરી છે કે સરકારશ્રીની પ્રવર્તમાન માર્ગદર્શિકા (ગાઈડલાઈન) મુજબ જો સતત ૪ અઠવાડિયા સુધી વરસાદ ન પડે, તો તે વિસ્તારને અછત કે દુષ્કાળગ્રસ્ત જાહેર કરવાની જોગવાઈ છે. આ ઉપરાંત, પડોશી રાજ્ય મહારાષ્ટ્રે પણ આવી જ પ્રતિકૂળ પરિસ્થિતિમાં કેટલાક તાલુકાઓને દુષ્કાળગ્રસ્ત જાહેર કરેલા છે, ત્યારે આ પછાત આદિવાસી વિસ્તારોમાં પણ ત્વરિત પગલાં ભરવાની જરૂર છે.

મુખ્ય માંગણીઓ:

માંગરોળ અને ઉમરપાડા આદિવાસી તાલુકાઓને તાત્કાલિક ધોરણે સત્તાવાર રીતે દુષ્કાળગ્રસ્ત જાહેર કરવામાં આવે.

પશુઓ માટે ઘાસચારાની તથા ખેડૂતો અને ગ્રામજનો માટે પીવાની પાણીની પૂરતી વ્યવસ્થા કરવામાં આવે.

વિસ્તારને દુષ્કાળગ્રસ્ત જાહેર કરી ખેડૂતોના બેંક અને સહકારી ધિરાણના દેવા માફ કરવામાં આવે.

મુશ્કેલ સમયમાં રાહત આપવા માટે ખેડૂતોના વીજળી બિલ સંપૂર્ણપણે માફ કરવાની જાહેરાત કરવામાં આવે.

આ ગંભીર પ્રશ્ને વહીવટી તંત્ર દ્વારા વહેલી તકે સકારાત્મક નિર્ણય લેવામાં નહીં આવે તો ખેડૂતોમાં રોષ વધુ વ્યાપક બને તેવી સંભાવના વ્યક્ત કરવામાં આવી છે.


Share

Related posts

કરજણ ટોલ ટેકસ ઉપર નવા નિયમો જાહેર કર્યા.

ProudOfGujarat

ભરૂચ-નિકોરા ગામે પ્રેમી દ્વારા પ્રેમીકાની હત્યા મામલે ગણતરીના કલાકોમાં આરોપીની ધરપકડ કરતી પોલીસ

ProudOfGujarat

સરદાર સરોવર ડેમથી ૩૦ કિલોમીટરના વિસ્તારમા ભૂકંપનો આંચકો અનુભવાયો.

ProudOfGujarat

Leave a Comment

error: Content is protected !!