ભરૂચમાં ઈદે મિલાદના જુલૂસનું સ્વાગત હિન્દુ સમાજના આગેવાનો એ કર્યું

ભરૂચ પંથકમાં આજે પવિત્ર એવા ઈદે મિલાદ પર્વની ઉજવણી કરવામાં આવી હતી. આ પર્વની ઉજવણીના ભાગરૂપે ભરૂચ પંથકમાં ઠેર-ઠેર જુલૂસનું આયોજન કરવામાં આવ્યું હતું જેમાં ગતરોજ જેમ શ્રીજી વિસર્જન યાત્રાનું સ્વાગત મુસ્લિમ બિરાદરો એ કર્યું હતું તેમ આજરોજ ઈદે મિલાદ પર્વ નિમિત્તે આયોજીત જુલૂસનું સ્વાગત હિન્દુ ધર્મના લોકોએ કર્યું હતું આમ ભરૂચ પંથકમાં કોમી એકતાના વાતાવરણમાં ધાર્મિક પર્વની ઉજવણી થઈ હતી.