વડોદરા જિલ્લાનાં વલણ જિલ્લા પંચાયતની બેઠક તેમજ તાલુકા પંચાયતની બે બેઠક મળી કુલ ત્રણ બેઠકોનાં કોંગ્રેસના ઉમેદવારોએ વલણ ગામમાં ચૂંટણી પ્રચાર કરી મતદારોનો સંપર્ક કર્યો.

વડોદરા જિલ્લાના કરજણ તાલુકાની વલણ જિલ્લા પંચાયતની એક બેઠક તેમજ તાલુકા પંચાયતની બે બેઠકના ઉમેદવારોએ ચૂંટણી પ્રચારનો પ્રારંભ કર્યો હતો. સ્થાનિક સ્વરાજ્યની ચૂંટણીઓ જેમ જેમ નજીક આવી રહી છે. તેમ તેમ ચૂંટણી પ્રચારમાં પણ તેજી જોવા મળી રહી છે. ભાજપ તેમજ કોંગ્રેસ પક્ષના ઉમેદવારો પોતાના મત વિસ્તારના મતદારોનો ડોર ટુ ડોર સંપર્ક કરી મતદરોને રીઝવવાના પ્રયાસોમાં લાગી ગયા છે.

વલણ જિલ્લા પંચાયતની બેઠકના કોંગ્રેસના ઉમેદવાર મુબારક પટેલ તેમજ વલણ તાલુકા પંચાયત બેઠકના ઉમેદવાર શાજીદ ખંડીયા તેમજ ઉસ્માન ઉઘરદારે શુક્રવારના રોજ વલણ ગામમાં ડોર ટુ ડોર મતદારોનો સંપર્ક કરી કોંગ્રેસને મત આપી વિજયી બનાવવા અપીલ કરી હતી. મિડીયા સમક્ષ નિવેદનમાં કોંગ્રેસના ઉમેદવાર મુબારક પટેલે જણાવ્યું હતું કે મતદારોનો સારો પ્રતિસાદ મળી રહ્યો છે અને વલણ જિલ્લા પંચાયત તેમજ વલણ તાલુકા પંચાયતની બે બેઠકો મળી કુલ ત્રણ બેઠકો પર કોંગ્રેસ વિજયી બનશે તેવો આશાવાદ વ્યક્ત કર્યો હતો.

યાકુબ પટેલ : કરજણ