ભરૂચ.
ભરૂચના રહાડપોર ગામે આવેલાં આશિયાના પાર્ક ખાતે રહેતો સમશેરઅલી મોહરઅલી દિવાન નિલમનગર સોસાયટીમાં ભંગારનો ધંધો કરે છે.ગત 30મી સપ્ટેમ્બરના રોજ સવારના સાતેક વાગ્યે રહાડપોર ગામની પાણીની ટાંકી પાસે આવેલી ચ્હાની લારી પર ચ્હા પિવા માટે ગયો હતો. તે વેળાં રહાડપોર ગામના જ મોબીનખાન, ગુલજાર તેમજ દિલદાર ત્રણેય ત્યાં હાજર હતાં. ત્યારે મોબીને અચાનક કોઇ પણ કારણ વિના સમશેરઅલીને જોઇને તને એક દિવસ મારીશું તેમ કહીં તેમની સાથે બોલાચાલી કરવા લાગ્યો હતો. મામલો ગરમાતા આસપાસના લોકોએ દોડી આવી તેમનો ઝઘડો શાંત પાડ્યો હતો. દરમિયાનમાં બીજા દિવસે 1 ઓક્ટોબરે બપોરના પોણા ત્રણેક વાગ્યાના અરસામાં સમશેરઅલી તેના ઘરે જતો હતો. તે વેળાં આશિયાના પાર્ક સોસાયટી પાસે જ મોબીનખાન, ગુલજાર તેમજ દિલદારે આગલા દિવસની તકરારની રીસ રાખી તેને અપશબ્દો ઉચ્ચારી જાનથી મારી નાંખવાની ધમકીઓ આપી માર મારી ગંભીર ઇજાઓ પહોંચાડી હતી. ઇજાગ્રસ્તને સારવાર માટે ભરૂચ સિવિલ હોસ્પિટલમાં ખસેડવામાં આવ્યો હતો. બનાવ સંદર્ભે એ ડીવિઝન પોલીસ મથક ફરિયાદ નોંધાતાં પોલીસે ગુનો નોંધી આગળની કાર્યવાહી હાથ ધરી છે.
