સૌજન્ય-સુરતઃ કતારગામની પરિણીતા પર બળાત્કારના મામલે ડોકટર પ્રફુલ્લ દોશી શનિવારે મોડીરાત્રે અઠવા પોલીસ સ્ટેશનમાં હાજર થયો હતો. પોલીસે તેને ડીસ્ટાફની રૂમમાં રાખી પૂછપરછ શરૂ કરી હતી.
નાનપુરાની મી એન્ડ મમ્મી હોસ્પિટલના ડોકટર પ્રફુલ્લ દોશીએ 4 તારીખે બપોરે સંતાન પ્રાપ્તિની દવા લેવા માટે આવેલી કતારગામની પરિણીતા સાથે કન્સલ્ટિંગરૂમમાં રેપ કર્યો હતો.
બળાત્કારી ડોકટર શનિવારે મોડીરાત્રે 11.00 વાગ્યે પોલીસમાં જાતે સરેંડર થઈ ગયો હતો. જો કે આટલા દિવસો કયા ભાગ્યો હતો અને કોણે કોણે સહારો આપ્યો તેમજ તેની પત્ની મીત્સુ દોશી સાથે હતી કે કેમ તે બાબતેની જો ઉચ્ચ પોલીસ અધિકારી તપાસ કરે તો મોટામાથાઓની મદદગારી બહાર આવી શકે તેમ છે. મોડીરાત્રે તેમને નવી સિવિલમાં મેડિકલ તપાસ માટે લઈ જવાય તેવી શક્યતા છે. ટૂંકમાં રવિવારે આ મામલે ઉચ્ચ પોલીસ અધિકારી પ્રેસ કોન્ફરન્સ કરી ડોકટર દોશીની ધરપકડ બતાવશે.
પૂછપરછ બાદ ધરપકડ
ડોકટર પ્રફુલ્લ દોશી 11 વાગ્યે પોલીસ સ્ટેશનમાં જાતે હાજર થયો હતો. તેની પૂછપરછ કરીને ધરપકડની કાર્યવાહી કરાશે, હાલમાં તપાસ ચાલુ છે. -એસ.બી.ભરવાડ, પીઆઈ-અઠવા પોલીસ સ્ટેશન
