સમગ્ર વિસ્તારમાં આનંદનો માહોલ, માનવ અધિકાર ક્ષેત્રે નવી દિશામાં કામગીરીની આશા
વાંકલ : સુરત જિલ્લાના માંગરોળ તાલુકાના વાંકલ ગામના વતની ચૌધરી કરૂણેશભાઈને આંતરરાષ્ટ્રીય માનવ અધિકાર સંસ્થામાં સુરત ડિસ્ટ્રિક્ટ બોર્ડના પ્રેસિડેન્ટ તરીકે નિમણૂક કરવામાં આવી છે. તેમની આ મહત્વપૂર્ણ નિમણૂકને લઈને સમગ્ર વિસ્તારમાં આનંદ અને ગૌરવની લાગણી પ્રસરી ગઈ છે.
ચૌધરી કરૂણેશભાઈ લાંબા સમયથી માનવ અધિકાર, સમાજ કલ્યાણ અને નબળા વર્ગોના હકો માટે સક્રિય રીતે કાર્યરત રહ્યા છે. વિવિધ સામાજિક પ્રવૃત્તિઓ દ્વારા તેમણે લોકોમાં જાગૃતિ ફેલાવી છે અને જરૂરિયાતમંદોને સહાય પહોંચાડવામાં મહત્વપૂર્ણ યોગદાન આપ્યું છે.
તેમની આ નિમણૂકથી સુરત જિલ્લામાં માનવ અધિકાર સંબંધિત પ્રવૃત્તિઓને વધુ ગતિ મળશે તેવી આશા વ્યક્ત કરવામાં આવી રહી છે. સાથે જ લોકોમાં પોતાના હકો પ્રત્યે જાગૃતિ વધારવા માટે વિવિધ જનજાગૃતિ કાર્યક્રમો અને સેવાકીય યોજનાઓ હાથ ધરાશે તેવી શક્યતાઓ પણ વ્યક્ત કરવામાં આવી રહી છે.
સ્થાનિક આગેવાનો અને સમાજના આગેવાનોએ ચૌધરી કરૂણેશભાઈને શુભેચ્છાઓ પાઠવી તેમની નવી જવાબદારીમાં સફળતા માટે શુભકામનાઓ વ્યક્ત કરી છે.
