Proud of Gujarat
bharuchCrime & scandalFeaturedGENERAL NEWSGujaratINDIAUncategorized

ભોલાવ બાદ હવે GNFC ટાઉનશીપમાં દીપડાની દસ્તક, જોગિંગ કરતા લોકો અને બાળકોની સુરક્ષા સામે સવાલ

Share

ભરૂચ : ભરૂચના GNFC ટાઉનશીપમાં દીપડો દેખાયો હોવાની માહિતી સામે આવતાં રહેવાસીઓમાં ફફડાટ ફેલાયો છે. ટાઉનશીપની સ્ટ્રીટ નં. 24, 9 અને 14 નજીક દીપડો જોવા મળ્યાની જાણ થતાં GNFCની સિક્યુરિટી ટીમ એલર્ટ થઈ છે અને વન વિભાગને પણ જાણ કરવામાં આવી છે. રહેવાસીઓને બિનજરૂરી બહાર ન નીકળવા અને દીપડો દેખાય તો તેની નજીક ન જવા અપીલ કરાઈ છે.

ટાઉનશીપમાં સવારે અનેક લોકો જોગિંગ માટે નીકળે છે. ઉપરાંત બાળકો માટે ગાર્ડન અને સ્પોર્ટ્સ કોમ્પ્લેક્સ પણ હોવાથી દીપડાની હાજરીને પગલે સુરક્ષાને લઈને ચિંતા વધી છે.

Advertisement

ઉલ્લેખનીય છે કે છેલ્લા કેટલાક સમયથી ભરૂચ શહેર અને આસપાસના વિસ્તારોમાં દીપડાની અવરજવર વધી હોવાનું સામે આવ્યું છે. અગાઉ નર્મદા નદી કિનારે બહુચરાજીના ઓવારે, કંથારિયા ગામે તેમજ ભોલાવ GIDC વિસ્તારમાં દીપડો દેખાયો હોવાની ઘટનાઓ બની હતી. ભોલાવ GIDCમાં બે વખત દીપડો દેખાયો હોવાની માહિતી પણ સામે આવી હતી.

બીજી તરફ ઝનોર, શુક્લતીર્થ અને તવરા સહિતનાં ગામોમાં પણ લાંબા સમયથી દીપડાની અવરજવર જોવા મળી રહી છે. ભરૂચ શહેરની માનવવસ્તી ભોલાવ, ઝાડેશ્વર, મક્તમપુર અને તવરા તરફ વિસ્તરી રહી છે. ત્યારે રહેણાક વિસ્તારોમાં દીપડાની હાજરીને પગલે માનવ-વન્યજીવ સંઘર્ષની આશંકા વધી છે. હવે વન વિભાગ દ્વારા દીપડાની હિલચાલ પર નજર રાખી સાવચેતીનાં પગલાં ભરવામાં આવે તેવી માંગ ઊઠી રહી છે.


Share

Related posts

વડોદરામાં લોકોની નજર ચૂકવી મોબાઈલની ચોરી કરતો શખ્સ ઝડપાયો.

ProudOfGujarat

ભરૂચ જિલ્લાની સ્થાનિક સ્વરાજ્યની ચૂંટણીનું ચિત્ર આજે સ્પષ્ટ થશે: ૧૫ એપ્રિલ ફોર્મ ખેંચવાની અંતિમ તારીખ,

ProudOfGujarat

પંચમહાલ : મોરવા હડફની પેટા ચૂંટણીમાં ૫૫૪૨ યુવા મતદારો પ્રથમ વખત મતદાન કરશે.

ProudOfGujarat

Leave a Comment

error: Content is protected !!